शरद इंजिनिअरिंगच्या
१४ विद्यार्थ्यांची निवड
सकाळ वृत्तसेवा
दानोळी, ता. ११ ः यड्राव येथील शरद इन्स्टिट्यूट ऑफ टेक्नॉलॉजी, कॉलेज ऑफ इंजिनिअरिंगच्या कॉम्प्युटर सायन्स अॅण्ड इंजिनिअरिंग व आर्टिफिशल इंटेलिजेन्स अॅण्ड डाटा सायन्स विभागातील १४ विद्यार्थ्यांची कोडनिस्ट टेक्नॉलॉजीस प्रा. लि. या नामांकित कंपनीत निवड झाली.
यामध्ये श्रध्दा पाटील, तुषार सातपुते, सन्मती पाटील, पूनम मशाळकर, इंद्रजित शिंदे, अंजली चिलाल, प्राजक्ता पाटील, साक्षी पाटील, अक्षता पाटील, अक्षता वळवडे, पूनम पाटील, श्रावणी मुट्टूर, अभिषेक कुंभार, प्रतिक्षा हलींगले या विद्यार्थ्यांची निवड झाली.
महाविद्यालयाकडून विद्यार्थ्यांसाठी स्पेशल अॅप्टिट्यूड ट्रेनिंग, टेक्निकल स्कीलचे वेगळे प्रशिक्षण तसेच मॉक इंटरव्ह्यू यांसह टेक्निकल सेशन, व्हॅल्यू अॅडेड प्रोग्रॅम, कंपनी स्पेसिफीक ट्रेनिंग, अद्ययावत तंत्रज्ञानाबाबत कंपनीतील व इंडस्ट्री क्षेत्रातील तज्ज्ञामार्फत मार्गदर्शन यांसह विविध उपक्रम राबवले जातात. महाविद्यालयात विद्यार्थ्यांना कौशल्य अवगत होण्यासाठी इनोव्हेशन सेंटरअंतर्गत दिलेल्या प्रशिक्षणाचा विद्यार्थ्यांना फायदा झाला.
कोडनिस्ट ही बंगळुरू येथील एज्युटेक कंपनी असून तिचे मुख्यालय आशिया पॅसिफिकमध्ये आहे. कोडनिस्ट ही एक एज्यु-टेक स्टार्टअप आहे.
निवड झालेल्या विद्यार्थ्यांचे संस्थेचे अध्यक्ष आमदार डॉ. राजेंद्र पाटील यड्रावकर, कार्यकारी संचालक अनिल बागणे यांनी अभिनंदन केले. ट्रेनिंग अॅण्ड प्लेसमेंट सेलचे प्रा. नेहा सोनी, प्रा. अभिजित केकरे आदींचे सहकार्य लाभले.