विद्यापीठातर्फे
‘फोटो ऑफ
दि विक’ स्पर्धा

कोल्हापूर, ता. ८ : शिवाजी विद्यापीठातील विद्यार्थी, शिक्षक आणि प्रशासकीय सेवक यांच्यातील सृजनशीलतेला संधी देण्याच्या हेतूने विद्यापीठामार्फत ‘फोटो ऑफ दि विक’ ही स्पर्धा दर आठवड्याला ऑनलाईन स्वरूपात होणार आहे. त्यामध्ये विद्यापीठात प्रवेशित विद्यार्थ्यांनी आवर्जून सहभाग नोंदवावा, असे आवाहन कुलगुरू डॉ. डी. टी. शिर्के यांनी आज येथे केले.
कुलगुरू डॉ. शिर्के यांच्या हस्ते विद्यापीठाच्या व्यवस्थापन परिषद सभागृहात ‘फोटो ऑफ दि विक’ (आठवड्याचे छायाचित्र) या स्पर्धेचे औपचारिक उद्‍घाटन करण्यात आले. त्यावेळी ते बोलत होते. यावेळी प्र-कुलगुरू डॉ. पी. एस. पाटील, कुलसचिव डॉ. व्ही. एन. शिंदे, विद्यार्थी विकास विभागाचे संचालक डॉ. पी. टी. गायकवाड, मराठी अधिविभागाचे प्रमुख डॉ. नंदकुमार मोरे, पदार्थविज्ञान विभागाचे डॉ. मानसिंग टाकळे उपस्थित होते. संगणक केंद्र संचालक अभिजित रेडेकर, आशिष घाटे यांनी स्पर्धेविषयी सादरीकरण केले. जनसंपर्क अधिकारी डॉ. आलोक जत्राटकर यांनी स्वागत केले.