GAD264.JPG 47849
गडहिंग्लज ः रवळनाथ संस्थेला भेटीप्रसंगी डॉ. माधव वेलिंग यांचा सत्कार करताना एम. एल. चौगुले. शेजारी जितेंद्र नाईक, आर. एस. निळपणकर, डी. के. मायदेव, महेश मजती आदी.

‘रवळनाथ’चे लोकहिताला प्राधान्य
डॉ. माधव वेलिंग ः संस्था समूहाला भेट

सकाळ वृत्तसेवा
गडहिंग्लज, ता. २६ ः सहकारात सचोटीने काम करणाऱ्या संस्था दुर्मीळ आहेत. त्यात रवळनाथ हौसिंग फायनान्स सोसायटी एक आहे. विविध सामाजिक उपक्रमांच्या माध्यमातून रवळनाथने नेहमीच लोकहिताला प्राधान्य दिले आहे, असे गौरवोद्‌गार राष्ट्रीय शैक्षणिक धोरणाच्या राज्य सुकाणू समितीचे सदस्य प्रा. डॉ. माधव वेलिंग यांनी काढले.
येथील श्री रवळनाथ को-ऑप हौसिंग फायनान्स सोसायटी, झेप ॲकॅडमीला त्यांनी भेट दिली. त्यावेळी ते बोलत होते. संस्थापक अध्यक्ष एम. एल. चौगुले अध्यक्षस्थानी होते. गडहिंग्लज अर्बन बॅंकेचे अध्यक्ष जितेंद्र नाईक यांची प्रमुख उपस्थिती होती.
डॉ. वेलिंग म्हणाले, ‘ग्रामीण विद्यार्थ्यांना झेपच्या माध्यमातून स्पर्धा परीक्षेसाठी पोषक वातावरण रवळनाथने तयार केले आहे. आवश्यक सुविधा दिल्या आहेत. भावी पिढीसाठी रवळनाथचे कार्य उल्लेखनीय आहे.’
चौगुले म्हणाले, ‘शैक्षणिक क्षेत्रातील अनेक उच्चशिक्षित मान्यवर संस्थेशी जोडले आहेत. त्यामुळे रवळनाथ व शिक्षण क्षेत्रात काम करणाऱ्या संस्थांच्या संयुक्त विद्यमाने भविष्यात काही शैक्षणिक उपक्रम राबविण्याचा मानस आहे.’ रवळनाथचे संचालक महेश मजती यांच्यासह अधिकारी व कर्मचारी उपस्थित होते. संचालक डॉ. आर. एस. निळपणकर यांनी प्रास्ताविक केले. सीमा माने यांनी सूत्रसंचालन केले. सीईओ डी. के. मायदेव यांनी आभार मानले.