फोटो 50247

दिगंबर कुलकर्णी यांची अध्यक्षपदी निवड
कोल्हापूर : विविध समाज बांधवांच्या वतीने शासकीय विश्रामगृह येथे भारतीय संविधानाचे निर्माते डॉ. बाबासाहेब आंबेडकर यांच्या जयंतीच्या नियोजनाची बैठक झाली. यामध्ये डॉ. आंबेडकर सर्वधर्मीय जयंती महोत्सव समितीच्या अध्यक्षपदी रमणमळा येथील गायक दिगंबर कुलकर्णी, कार्याध्यक्षपदी रुई येथील मच्छिंद्र रुईकर यांची निवड झाली. कार्यकारणीत उपाध्यक्ष सतीश रास्ते, सचिव संजय कांबळे, सहसचिव प्रशांत अवघडे, कोषाध्यक्ष निवासराव सूर्यवंशी, सदस्यपदी अमोल कांबळे, संतोष आठवले, अमोल कुरणे, स्वाती माजगांवे, लता गायकवाड, माधुरी हिरवे, वासंती देवकुळे, योगिता संकपाळ, समीर विजापुरे, मुकेश घाडगे , भैय्यासाहेब धनवडे , संतोष खरात, चंद्रकांत चौगुले, अक्षय कदम यांची निवड केली. बैठकीस एकनाथ जोशी, संजय सोनवणे, उमेश कुंभार, सुनील परीट, राहुल पाटील, अशोक घाडगे, प्रवीण भाटणवाडे, संजय सुळगावे, आदित्य कुंभार, प्रा. आनंद भोजने आदी उपस्थित होते.

शहाजी महाविद्यालयात विविध उपक्रम
कोल्हापूर : श्री शहाजी महाविद्यालयात विज्ञान विभागातर्फे राष्ट्रीय विज्ञान दिवसानिमित्त विविध उपक्रम झाले. मॉडेल प्रेझेंटेशनमध्ये २९ मॉडेल विद्यार्थ्यांनी सादर केली होती. प्रश्नमंजुषांमध्ये एकूण ३१ विद्यार्थ्यांनी सहभाग घेतला. निबंध स्पर्धेमध्ये कोविड नंतरचे जग, ‘एआय’चा नोकरीवर परिणाम, पाणी बचाव, आजचे विज्ञान युग आदी विषयांवर २२ निबंध विद्यार्थ्यांकडून घेतले. विविध मैदानी खेळ, क्रिकेट, फुटबॉल, खो-खो, कबड्डी खेळ घेतले. फुलांच्या रांगोळीच्या स्पर्धेचे आयोजन केले. यामध्ये ४० मुलांनी सहभाग घेतला. पारितोषिक वितरण झाले. याप्राचार्य डॉ. आर. के. शानेदिवाण यांचे प्रोत्साहन मिळाले.