69554
इचलकरंजी ः माहेश्वरी सभेतर्फे आयोजित लसीकरण शिबिरप्रसंगी गिरीराज मोहता, अंजनीकुमार मुंदडा, नितीन धूत, द्वारकाधीश सारडा, श्रीकांत मंत्री, विनीत तोष्णीवाल, लालचंद गट्टाणी, ओमप्रकाश चांडक आदी.
.....
सर्व्हाइकल कॅन्सर मोफत
लसीकरण अभियान यशस्वी

इचलकरंजीत माहेश्वरी सभेतर्फे २२० युवतींना तिसरा डोस

सकाळ वृत्तसेवा
इचलकरंजी, ता. ११ ः मुली आणि महिलांमध्ये वेगाने पसरत चाललेल्या सर्व्हाइकल कॅन्सरच्या प्रतिबंधासाठी लसीकरण मोहिमेतील तिसऱ्या अंतिम टप्प्यातील लसीकरण अभियान यशस्वीपणे पूर्ण झाले. यामध्ये तब्बल २२० युवतींना तिसऱ्या डोसचे लसीकरण करण्यात आले. कोल्हापूर जिल्हा माहेश्वरी सभा, महेश क्लब व कोल्हापूर जिल्हा माहेश्‍वरी युवक संघटना यांच्यावतीने हा उपक्रम राबविण्यात आला. त्यासाठी माहेश्‍वरी मेडिकल वेल्फेअर सोसायटी आणि गिरीराज मोहता यांचे सहकार्य लाभले.
माहेश्‍वरी सभेचे कार्य कौतुकास्पद आहे. भविष्यातही अशा सााजिक उपक्रमांसाठी सदैव सहकार्य राहील, अशी ग्वाही गिरीराज मोहता यांनी यावेळी दिली. प्रकल्पप्रमुख श्रीकांत मंत्री यांनी स्वागत केले. कोल्हापूर जिल्हा माहेश्‍वरी सभचे अध्यक्ष नितीन धूत यांनी प्रास्ताविक केले. शिबिरासाठी डॉ. मोहिनी धूत आणि डॉ. राहुल चव्हाण यांचे विशेष सहकार्य लाभले.
यावेळी नीला मोहता, अंजनीकुमार मुंदडा, विनीत तोष्णीवाल, मुकेश खाबाणी, भिकूलाल मर्दा, शांतीकिशोर मंत्री, द्वारकाधीश सारडा, चंदनमल मंत्री, डॉ. एस. पी. मर्दा, ओमप्रकाश चाडंक, रामगोपाल मालाणी, राजाराम चांडक, रामनिवास मुंदडा, लक्ष्मीकांत मर्दा, श्याम मुंदडा, प्रेमराज लोहिया, सतीश काबरा, दिनेश बिडला, राधेश्याम भुतडा, धनराज डालिया, संजय सोमाणी आदी उपस्थित होते. उपक्रमासाठी आनंद बांगड, कृष्णकांत भुतडा, मुरली हेडा, विनय बाल्दी, सुशील इनाणी, सुरेंद्र हेडा, शिवप्रसाद तापडिया आदींनी परिश्रम घेतले.