इचलकंजीत आजारांबाबत
जनजागृती कार्यक्रम
इचलकरंजी ः येथील गावभाग परिसरात कीटकजन्य व जलजन्य आजारांच्या अनुषंगाने जनजागृती कार्यक्रम घेतला. नागरिकांना डासापासून होणारे आजार डेंगी, चिकुनगुन्या, मलेरिया तसेच दूषित पाण्यापासून होणारे कावीळ, गॅस्ट्रो, कॉलरा, अतिसार आदी आजारांची आणि त्यावरील प्रतिबंधात्मक उपाययोजनांची माहिती दिली. आवश्यक ती खबरदारी घेण्याच्या सूचना केल्या. यावेळी परिसरात रॅलीव्दारे नागरिकांचे प्रबोधन केले. बाळासाहेब कलागते यांनी यासाठी महापालिका आरोग्य विभागास सहकार्य करण्याचे आवाहन केले. मोहिमेत डॉ. नितीन भाट, स्वच्छता निरीक्षक करण लाखे, सूरज नेतले, आरोग्य निरीक्षक महादेव इंदलकर, संदीप गावडे, आरोग्यसेवक निहाल मुल्ला, जावेद मुल्ला, दीपक गेजगे यांच्यासह कलावंत गल्ली नागरी आरोग्य केंद्रातील आशा स्वयंसेविका उपस्थित होत्या.