इचलकरंजीत बुधवारी
‘मिशन ई अॅडमिशन’
इंजिनिअरिंग प्रवेशाबाबत मार्गदर्शन ः पालक शिक्षक संघातर्फे आयोजन

इचलकरंजी, ता. २२ ः येथील पालक शिक्षण संघातर्फे इंजिनिअरिंगच्या प्रवेश प्रक्रीयेबाबत ‘मिशन ई अॅडमिशन’ उपक्रमाचे आयोजन केले आहे.
श्रीमंत ना. बा. घोरपडे नाट्यगृहामध्ये बुधवारी (ता. २५) दुपारी १.३० वाजता हा उपक्रम होणार आहे. कोल्हापूर, सांगली, पुणे व सातारा जिल्ह्यातील १६ इंजिनिअरिंग कॉलेजचे प्रतिनिधी उपस्थित राहून त्यांच्या कॉलेजविषयी माहिती देणार आहेत.
इंजिनिअरिंगची प्रवेश प्रक्रिया कशी असेल व प्रवेश प्रक्रियेमध्ये होणारे बदल, विविध इंजिनिअरिंग महाविद्यालयांची माहिती, अभ्यासक्रमांची माहिती, फी व सवलत, प्रवेश क्षमता, कट ऑफ यादी आदी विषयांबाबत प्रा. डॉ. अनिलकुमार गुप्ता मार्गदर्शन करणार आहेत. यासाठी प्रवेश विनामूल्य आहे. प्रा. डॉ. अजित पाटील संगणक, फाउंड्री, इंजिनिअरिंग, टेक्स्टाईल व्यवसायातील तज्ज्ञ उद्योजक आणि काही शिक्षणतज्ज्ञ यांच्यासोबत संवाद साधणार आहेत.
प्रदर्शनात विद्यार्थी व पालकांना संबंधित कॉलेजच्या प्रतिनिधींशी थेट संवाद साधता येणार आहे. उपस्थित विद्यार्थ्यांना गेल्या वर्षीच्या कट-ऑफची माहिती असलेली पुस्तिकाही विनामूल्य देण्यात येणार आहे. या उपक्रमाचा लाभ घ्यावा, असे आवाहन प्रवीण कुरडे, प्रा. एच. ए. पाटील, राजेंद्र निंबाळकर, उमेश राठी, प्रा. एस. जे. पाटील यांनी केले आहे.