हॉटेल कामगार करणार
५५५५ मिसळचे मोफत वाटप

कोल्हापूर ः राजर्षी छत्रपती शाहू महाराजांची जयंती हॉटेल कामगार वेगळ्या पद्धतीने साजरी करणार आहेत. त्या दिवशी ५५५५ मिसळचे मोफत वाटप करणार आहेत. त्यातून वर्ल्ड रेकॉर्ड करण्याचा प्रयत्न आहे. एकता हॉटेल कामगार वेल्फेअर असोसिएशनने हा उपक्रम २६ जून रोजी सकाळी ७ ते ११ या वेळेत करण्याचे नियोजन केले आहे. कळंबा साईमंदिरसमोरील सूर्यकांत मंगल कार्यालयात माजी नगरसेवक शारंगधर देशमुख यांच्या हस्ते उपक्रमाचे उद्‍घाटन होईल. या उपक्रमास खासदार शाहू छत्रपती महाराज, खासदार धनंजय महाडिक, पालकमंत्री प्रकाश आबिटकर, आमदार सतेज पाटील, आमदार राजेश क्षीरसागर, अण्णासाहेब चकोते उपस्थित राहणार आहेत.