72552
सरनाईक कॉलनी परिसरात
पिण्याच्या पाण्याची सोय करा
कर्तृत्व सामाजिक संस्थेतर्फे महापालिकेला निवेदन

कोल्हापूर, ता. २३ ः सरनाईक कॉलनी, शिवोदय कॉलनी, द्वारकामाईनगर या भागात पिण्याच्या पाण्याची सोय करण्याचे निवेदन कर्तृत्व या सामाजिक संस्थेतर्फे महापालिका प्रशासक के. मंजुलक्ष्मी यांना दिले. निवेदनात म्हटले आहे, सानेगुरुजी वसाहतमधील देशमुख हायस्कूलनजीक मातोश्री प्रमिला सरनाईक पार्क, शिवोदय कॉलनी, द्वारकामाईनगर आदी कॉलनी आहेत. तिथे १०० हून अधिक कुटुंबांचा रहिवास आहे. महानगरपालिकेच्या हद्दीत हा भाग येत असून, आजतागायत पिण्याच्या पाण्याची कोणतीही व्यवस्था झालेली नाही. त्यामुळे नागरिकांना प्रचंड त्रास सहन करावा लागत आहे. घरफाळा आकारला जात असून, पाण्यासारखी मूलभूत सुविधा मिळत नाही.कर्तृत्वचे संस्थापक विराज सरनाईक यांनी याबाबतची माहिती दिली. तसेच लवकर पाण्याची पाईपलाईन टाकून पाण्याचा प्रश्न कायमस्वरूपी मार्गी लावावा अशी विनंती निवेदनाद्वारे करण्यात आली. यावेळी विनीत जिरगे, प्रतीक हेगिष्ट्ये, संजय जाधव, मयुरी पाटील, मंजिरी दाणी, अनुराग गोळे, शिवाजी यादव, तेजस पाटील, बापू पंडित आदी उपस्थित होते.