58606
कोल्हापूर : सम्राटनगर व सरनाईक माळ परिसरातील मुरुमीकरण करताना कर्मचारी.

सम्राटनगर, सरनाईक माळ
परिसरात मुुरुमीकरण
पावसाळ्यानंतर होणार डांबरीकरण
सकाळ वृत्तसेवा
कोल्हापूर, ता. २१ : सम्राटनगर व सरनाईक माळ परिसरातील खराब झालेल्या रस्त्यांचे महापालिकेकडून मुरुमीकरणाचे काम पूर्ण करण्यात आले. येथील नागरी समस्यांची दखल घेऊन महापौर रूपाराणी निकम यांनी अधिकाऱ्यांना कार्यवाहीच्या सूचना दिल्या आहेत. त्यानुसार कामे सुरू करण्यात आली.
पावसामुळे रस्त्यांची अवस्था खराब झाल्याने नागरिकांची गैरसोय होऊ नये, यासाठी सम्राटनगर व सरनाईक माळ परिसरात तातडीने मुरूम टाकण्याचे काम करण्यात आले. सध्या नागरिकांची तात्पुरती गैरसोय दूर करण्यासाठी मुरूम टाकला असून, पावसाळ्यानंतर या रस्त्याचे डांबरीकरण करण्यात येईल, असे महापौर निकम यांनी स्पष्ट केले.
सम्राटनगर व सरनाईक माळ परिसरातील नागरिकांच्या अडचणींची मला पूर्ण जाणीव आहे. रस्ते, ड्रेनेज, स्वच्छता व भटक्या कुत्र्यांच्या समस्यांवर संबंधित विभागांच्या समन्वयाने आवश्यक ती कार्यवाही करण्यात येत आहे, असेही महापौर निकम यांनी सांगितले.