18610 सेजल सुतार
18611 सई येवलुस्कर
..............
महिला साखळी क्रिकेट स्पर्धेत
कोल्हापूर जिल्हा संघ विजेता

सकाळ वृत्तसेवा
कोल्हापूर, ता. ९ : महाराष्ट्र क्रिकेट असोसिएशनतर्फे सुरू असलेल्या निमंत्रित वरिष्ठ महिला एकदिवसीय साखळी क्रिकेट स्पर्धेत कोल्हापूर जिल्हा संघाने सातारा संघावर ६२ धावांनी दणदणीत विजय मिळवला. पुणे येथील धानोरीतील किंग्ज स्पोर्टस् मैदानावर सामना झाला.
कोल्हापूर जिल्हा संघाने प्रथम फलंदाजी करताना ४० षटकांत सर्व गडी गमावून १६० धावा केल्या. कार्तिकी चव्हाणने २९, सई यवलुस्करने २७, संजना वाघमोडेने नाबाद २१, साक्षी पोतदारने १७ तर सुदीक्षा देसाईने ११ धावांचे योगदान दिले. सातारा संघाकडून भूमिका फाळके व तेजश्री ननवरे यांनी प्रत्येकी दोन, तर समृद्धी बनवणे, शांभवी देशमुख, आदिती जाधव यांनी प्रत्येकी एक गडी बाद केला.
उत्तरादाखल खेळताना सातारा जिल्हा संघाचा डाव ३० षटके व दोन चेंडूंत ९० धावांवर आटोपला. त्यांच्या भूमिका फाळकेने ४४ धावांची झुंजार खेळी केली, तर समृद्धी बनवणे व वैदेही जोशी यांनी प्रत्येकी १० धावा केल्या. कोल्हापूरकडून सई यवलुस्करने भेदक मारा करत चार, सेजल सुतारने तीन व मधुरा इंगवलेने एक गडी बाद केला.