कुरुंदवाड नगरपरिषद पुणे विभागात प्रथम

कुरुंदवाड, ता.५ः राज्यस्तरीय माझी वसुंधरा अभियानात येथील नगरपरिषदेने पुणे विभागात पहिला तर राज्यात चौथा क्रमांक पटकावला. यामुळे पालिकेला दीड कोटी रुपयांचे बक्षीस मिळणार असल्याची माहिती पालिकेचे मुख्याधिकारी तथा प्रशासक आशिष चौहान यांनी दिली.
मुख्याधिकारी चौहान यांच्या मार्गदर्शनाखाली पालिकेतील अधिकारी व कर्मचारी यांनी पर्यावरणपूरक शहराकडे वाटचाल केली आहे. शहरात वृक्ष लागवड, पर्यावरण पूरक बोलक्या भिंती, चौकांची स्वच्छता, शहरात स्वच्छ शहर- सुंदर शहर असे फलक, तसेच शहरातील रहिवासी क्षेत्रात असलेल्या खुल्या जागांमध्ये नगरपालिकेने उद्याने उभी केली आहेत. ओल्या व सुक्या कचऱ्यापासून कंपोस्ट खताची निर्मिती प्रकल्प सुरू केला आहे. पालिकेने पंधरा ते पंचवीस हजार लोकसंख्या गटामध्ये हा क्रमांक पटकावला आहे.