यात्रा समितीतर्फे
कुंभोजला सत्‍कार
कुंभोज ः ‘युवकांनी विविध क्षेत्रांत चमकदार कामगिरी करून यश संपादन करावे,’ असे आवाहन वारणा दूध संघाचे संचालक अरुण पाटील यांनी व्‍यक्‍त केले. येथील यात्रा व उरुस समितीतर्फे आयोजित गुणवंतांच्या सत्‍कारप्रसंगी ते बोलत होते. सराफ असोशिएशनचे अध्‍यक्ष विनायक पोतदार अध्‍यक्षस्‍थानी होते. सागर कांदेकर, योहान घाटगे, सागर सुवासे, दीपक कोळी, संतोष भोकरे, रघुनाथ इळगेर यांनी मनोगत व्‍यक्‍त केले. यात्रा व उरुस समितीचे अध्‍यक्ष अरुण पाटील यांनी रोहन घाटगे यांचा सत्‍कार केला. सुनील घाटगे यांनी स्‍वागत केले. अविनाश घाटगे यांनी आभार मानले.