२१ हजारांच्या आतील
उत्पन्न दाखले मिळावेत
म्हाकवे, ता. १: कागल तालुक्यातील निराधार, गरीब, अपंग, वंचित पात्र व गरजू लाभार्थ्यांना तालुक्यातील संबंधित गावातील तलाठी कार्यालयाकडून २१ हजार रुपयांच्या आतील उत्पन्नाचा दाखला देणे काही दिवसांपासून तलाठी संघटनेच्या वतीने बंद केले आहेत. दाखले तातडीने मिळावेत, या मागणीचे निवेदन कागल तहसील कार्यालयातील नायब तहसीलदार डॉ. अर्चना कुलकर्णी यांच्याकडे देण्यात आले.
दाखल्यांअभावी पात्र लाभार्थ्यांना योजनेचा लाभ घेण्यासाठी अडचण निर्माण झाली आहे. संबंधित गावातील तलाठ्यांना दाखले पूर्वीप्रमाणे देण्यासाठी सहकार्य करावे. गरजू व पात्र लाभार्थ्यांना उत्पन्नाचे दाखले मिळावेत, या मागणीचे निवेदन कागल तहसील कार्यालयातील नायब तहसीलदार डॉ. अर्चना कुलकर्णी यांच्याकडे देण्यात आले. यावेळी संजय गांधी निराधार योजना समिती सदस्य साताप्पा कांबळे, कागल तालुका शिवसेनाप्रमुख सुधीर पाटोळे, एकोंडीचे सरपंच राजाराम पाटील, बाबासाहेब खोंद्रे उपस्थित होते.