कडवेत प्रबोधन सप्ताह
शाहूवाडी : प्रतिकूल परिस्थितीत घेतलेले शिक्षण कर्तव्यदक्ष बनविते. मुलींच्या शिक्षणाला, आरोग्याला पालकांनी महत्त्व द्यायला हवे. त्यातून कुटुंब, देश खऱ्या अर्थाने सक्षम बनेल, असे प्रतिपादन प्रथमवर्ग न्यायालयाचे न्यायमूर्ती अमोल शिंदे यांनी केले. कडवे (ता. शाहूवाडी) येथे जिल्हा विधी सेवा प्राधिकरणामार्फत महिला प्रबोधन सप्ताहनिमित्त ते बोलत होते. माजी पंचायत समिती सदस्य अमरसिंह खोत, सहाय्यक गटविकास अधिकारी पराग कानडे उपस्थित होते. ते म्हणाले, ‘प्रत्येक व्यक्तीने स्त्रियांना सन्मानाने वागणूक द्यावी. महिलांनीही हक्क, अधिकार जाणून अन्याय सहन न करता सक्षम व्हावे. महिला सुरक्षा कायद्याचा प्रसार व प्रचार होणे गरजेचे आहे.’ पराग कानडे यांनी पंचायत समितीच्या योजनांची माहिती दिली. यावेळी डॉ. झुंझार माने, ॲड. एस. के. साळुंखे, रियाज पटवेगार, आसावरी पाटील यांनी मनोगत व्यक्त केले. कार्यक्रमास मुख्याध्यापक एम. के. कोलते, ॲड. श्रद्धा खोत, रूपाली गावडे, दीपाली कमलाकर, ज्योती शिंदे, विधी स्वयंसेवक अपर्णा पाटील, विजय पाटील उपस्थित होते. सूत्रसंचालन ए.आर. हारुगडे, तुकाराम डोंगरे यांनी आभार मानले.