04718

गणेश नागरी सहकारी
पतसंस्थेची वार्षिक सभा

मुरगूड, ता. २६ : येथील गणेश नागरी सहकारी पतसंस्थेची ३६ वी वार्षिक सर्वसाधारण झाली. अध्यक्ष सुखदेव येरुडकर अध्यक्षस्थानी होते.
अहवाल वाचन कार्यकारी संचालक राहुल शिंदे यांनी केले.
सुखदेव येरुडकर म्हणाले, ‘‘संस्थेत कोअर बॅंकिंग सुविधा आरटीजीएस, आयएमपीस, एनईएफटी व क्यूआर कोडद्वारे पैसे स्वीकारण्याची सुविधा सुरू केल्या आहेत. त्याचा सभासद, ठेवीदारांनी लाभ घ्यावा.’ उदयकुमार शहा म्हणाले, ‘गेल्या आर्थिक वर्षात ठेवींत ९६ कोटींची वाढ करुन ११६ कोटींचा टप्पा पार करत आदर्श घालून दिला.’ यावेळी सभासदांच्या दहावी व बारावी परीक्षेतील गुणवंत मुला-मुलींचा सत्कार करुन बक्षीस देण्यात आले. याप्रसंगी नामदेवराव मेंडके यांची मुख्यमंत्री लाडकी बहीण योजनेच्या कागल तालुका समन्वय समिती अध्यक्षपदी निवड झाल्याबद्दल तर प्रा. शिवाजी होडगे यांची मंडलिक महाविद्यालयाच्या प्रभारी प्राचार्यपदी निवड झाल्याबद्दल आणि महिला मल्ल अमृता पुजारी हिने ज्युनिअर आशियाई कुस्ती स्पर्धेत देशाला कास्य पदक मिळवून दिल्याबद्दल संस्थेतर्फे सत्कार झाला. सभेस उपसभापती मारुती गणपती पाटील यांच्यासह संचालक, संचालिका, सभासद उपस्थित होते.