02750
सादळे : येथील वळणावर पन्नास फुट खोल दरीत कोसळलेला मालवाहू कंटेनर.
...
सादळे येथे ५० फूट खोल
दरीत कंटेनर कोसळला

नागाव, ता. १० : सादळे येथे पन्नास फूट खोल दरीत कंटेनर कोसळला. चालकाने प्रसंगावधान दाखवत वेळीच उडी मारली. यामध्ये कंटेनरचे मोठे नुकसान झाले. तर चालक किरकोळ जखमी झाला.
हा कंटेनर रत्नागिरीहून सादळे - मादळे मार्गाने पुणे - बंगळूर राष्ट्रीय महामार्गाकडे चालला होता. सादळे गावच्या पुढे वळणावरत चालकाने ब्रेक मारला,त्याचवेळी कंटेनर वळण घेऊन दक्षिण दिशेला कठड्यावरुन पन्नास फूट खोल दरीमध्ये कोसळला. यामध्ये कंटेनरचे मोठे नुकसान झाले. तर चालक किरकोळ जखमी झाला आहे. शिरोली एमआयडीसी पोलीस ठाण्यात याबाबत गुन्हा दाखल झाला आहे.
...
चौकट

मजबूत संरक्षण कठड्यांची गरज
कासारवाडी, सादळे - मादळे हा घाट रस्ता वाहतुकीसाठी धोकादायक बनला आहे. सार्वजनिक बांधकाम विभागाने घाटरस्ता व दरीच्या ठिकाणी सिमेंट काँक्रीटचे मजबूत संरक्षण कठडे बांधणे व वळणावरती दिशादर्शक फलक लावणे गरजेचे आहे.