लोगो श्री विठ्ठल बिरदेव यात्रा

देवाचा पालखी सोहळा, ऊस
लुटण्याचा कार्यक्रम उत्साहत

पट्टणकोडोली, ता. २२ : येथील श्री विठ्ठल बिरदेव यात्रेचा आज(मंगळवार) भर दिवस होता. ऊस लुटण्याचा पारंपरिक कार्यक्रम व देवाचा पालखी सोहळा भक्तिमय वातावरणात झाला.
सकाळीच श्रींची पालखी गावातील प्रमुख मार्गावरून मार्गस्थ झाली. त्यानंतर प्रथेप्रमाणे इंगळीतील आवबा पाटील व पट्टणकोडोली येथील ज्येष्ठ मानकरी चौगुले यांच्या शेतातील ऊस बैलगाडीतून मराठी शाळेच्या पटांगणात आणण्यात आला. तिथे ऊस लुटण्याचा पारंपरिक सोहळा झाला. यावेळी भाविकांनी भंडारा खारीक-खोबरे व बाळ लोकरची मुक्त हस्ते उधळण केली. आजही अनेक भाविक गावात विविध ठिकाणी आसरा घेऊन आपआपला नैवेद्य करून ढोल कैताळांच्या निनादात व विठ्ठल बिरदेवाच्या जयघोषात मंदिराकडे जाऊन नैवेद्य दाखवत होते.
यात्रा आणखी दोन दिवस चालणार आहे. मात्र, मुसळधार पावसामुळे यात्रेकरू व भाविकांचे मोठ्या प्रमाणात हाल झाले.