02607
दत्त दालमिया कारखान्याला
विविध मागण्यांचे निवेदन

पोर्ले तर्फ ठाणे, ता. ३ ः येथील श्री दत्त दालमिया साखर कारखान्याला विविध मागण्यांचे निवेदन पन्हाळा तालुका स्वाभिमानी शेतकरी संघटनेच्या वतीने देण्यात आले. निवेदन कारखान्याचे एचआर प्रमुख सुहास गुडाळे व मुख्य शेती अधिकारी संग्राम पाटील यांना रामराव चेचर, विक्रम पाटील, अजित पोवार यांच्या हस्ते देण्यात आले.
या निवेदनात म्हटले आहे की, जयसिंगपूर ऊस परिषदेत मागणी केल्याप्रमाणे २०२३/२४ हंगामातील उसाचा अंतिम हप्ता २०० रुपये व चालू हंगामात गळीतास येणाऱ्या उसाला ३७०० रुपये प्रतिटन पहिला हप्ता देण्यात यावा, कार्यक्षेत्रातील ऊस लवकरात लवकर तोडावा व पूरबाधित ऊस पहिल्यांदा तोड करावी तर ऊसतोडणी मजूरांकडून होणारी आर्थिक मागणी बंद करण्याबाबत पावले उचलावीत, अशा आशयाचे निवेदन कारखान्याचे एचआर प्रमुख सुहास गुडाळे व मुख्य शेती अधिकारी संग्राम पाटील यांना देण्यात आले. यावेळी संघटनेचे रामराव चेचर, अजित पोवार, विक्रम पाटील, अण्णा मगदूम, उमेश शेलार, नारायण पाटील, धोंडीराम पाटील आदींसह कार्यकर्ते उपस्थित होते.