गुणवंत विद्यार्थी, शिक्षकांचा
दिंडेवाडीत सत्कार
पिंपळगाव ः ‘आई-वडिलांच्या कष्टाची जाणीव ठेवून अभ्यास करा, अभ्यासात सातत्य ठेवल्यास यशस्वी व्हाल,’ असे प्रतिपादन जिल्हा प्रशासन अधिकारी देवानंद ढेकळे यांनी केले. दिंडेवाडी (ता. भुदरगड) येथील शंकर चक्रू पाटील माध्यमिक विद्यालयात सत्कार समारंभप्रसंगी ते बोलत होते. यावेळी शाळेचे माजी विद्यार्थी देवानंद ढेकळे, संतोष गुरव, सचिन इंदुलकर यांच्या हस्ते गुणवंत विद्यार्थी व शिक्षकांचा सत्कार करण्यात आला. विघ्नहर्ता आदर्श शिक्षक पुरस्कार मिळाल्याबद्दल मुख्याध्यापक उत्तम मुळीक, सेवानिवृत्तीबद्दल उपसरपंच संगीता मगदूम यांचा सत्कार करण्यात आला. उत्तम मुळीक यांनी स्वागतकेले .
सुधाकर मुळीक यांनी आभार मानले.
..............