जिल्ह्यात आज ७१ केंद्रावर
एनएमएमएस सराव चाचणी
सेनापती कापशी : जिल्हा परिषद माध्यमिक शिक्षण विभाग आणि इचलकरंजी येथील चौंडेश्वरी शिक्षण संस्थेच्या संयुक्त विद्यमाने राष्ट्रीय आर्थिकदृष्ट्या दुर्बल घटक योजना (एनएमएमएस) सराव चाचणी शनिवारी (ता. १४) होणार आहे. विद्यार्थ्यांच्या मुख्य परीक्षेच्या केंद्रावरच ही परीक्षा होणार आहे. एनएमएमएस मुख्य परीक्षेचा सराव होण्यासाठी ही परीक्षा जिल्ह्यातील ७१ केंद्रांवर होणार आहे. यावर्षी मुख्य परीक्षेसाठी २७ हजार ४०० विद्यार्थी प्रविष्ठ झाले आहेत. परीक्षेचे विद्यार्थ्यांनी निवडलेले मराठी, इंग्रजी आणि उर्दू माध्यम राहणार आहे. मुख्य परीक्षेप्रमाणेच पहिला पेपर सकाळी १०.३० ते १२ व दुसरा पेपर १.३० ते ३ या वेळेत होणार आहे.
त्याच केंद्रावर पेपर तपासले जाणार आहेत. या परीक्षेमुळे विद्यार्थ्यांची मुख्य परीक्षेची भिती कमी होण्यास मदत होणार आहे. सर्व प्रविष्ठ विद्यार्थ्यांनी ही परीक्षा द्यावी.