01933
‘बी. एच. दादाप्रेमी मंचचा
पुस्तक पेढी उपक्रम आदर्शवत’
वडणगे, ता. १० : ‘ येथील बी. एच. दादाप्रेमी युवक मंचतर्फे मोफत पुस्तक पेढी उपक्रम आदर्श उपक्रम आहे. त्यामुळे जिद्द आणि आत्मविश्वासाने विद्यार्थी स्पर्धा परीक्षेत यश संपादित करू शकतो,’’ असे आयपीएस अधिकारी सतीश जाधव यांनी सांगितले.
यंदा पुस्तक पेढीतर्फे पुस्तक वाटपप्रसंगी ते बोलत होते. बी. एच. दादाप्रेमी युवक मंचतर्फे दहावीच्या गरजू व होतकरूंना दरवर्षी शंभरवर विद्यार्थ्यांना मोफत पाठ्यपुस्तके देण्याचे नियोजन केले जाते. या उपक्रमाचा आत्तापर्यंत १००० पेक्षा जास्त विद्यार्थ्यांनी लाभ घेतला असून ५०० वर विद्यार्थी दहा वर्षांत गुणवत्ता यादीत आले आहेत. दहावीच्या जादा तासाच्या पहिल्या दिवशी पुस्तके मिळाल्यामुळे गरजू व गरीब विद्यार्थ्यांचा पुस्तक पेढी उपक्रमामुळे फायदा होतो. यावेळी बी. एच. दादा प्रेमी युवक मंचचे मार्गदर्शक रवींद्र पाटील, अध्यक्ष युवराज साळोखे, रघुनाथ पाटील, चेअरमन अजित जाधव, सुनील माने, उत्तम देवणे, नितीन देवणे, अमर पाटील, उमेश दिंडे, सौरभ देवणे, अक्षय दिंडे, महेश पाटील, श्रीधर देवणे पालक व विद्यार्थी उपस्थित होते.