वारणेला नीलकंठेश्वर उद्यानात उद्या कार्यक्रम
वारणानगर : येथील वारणा शिक्षण मंडळाच्यावतीने नीलकंठेश्वर उद्यानात महाशिवरात्रीनिमित्त शनिवारी (ता. १८)भक्ती आणि शक्ती उत्सव होणार आहे. शनिवारी सकाळी लघुरूद्रपूजा, तीर्थप्रसाद व वारणा भगिनी मंडळाच्या भजनी मंडळाचा भजनाचा कार्यक्रम सादर होईल. आमदार डॉ. विनय कोरे यांच्या संकल्पनेतून वेस्टर्न व भारतीय शास्त्रीय संगीताच्या सुरातून ठेका धरायला लावणारा शिवभक्ती व शक्तीचा महिमा सांगणाऱ्या गीतांचा बहारदार कार्यक्रम होईल. ३०० लाईट इफेक्टस्‌च्या झगमगाटात भक्ती व शक्तीचा स्वरार्पण - कोल्हापूर प्रस्तुत सवर - द रॉक बॅन्ड हा अनोखा कार्यक्रम आहे. याचा लाभ घेण्याचे आवाहन वारणा शिक्षण परिवाराने केले आहे.