05378

इलेक्ट्रिक वेहिकल्स केंद्राचे
कोरे अभियांत्रिकीत उद्घाटन

वारणानगर, ता. १२ : ‘ई-मोबिलिटी आणि इलेक्ट्रिक वाहनांमधील उत्कृष्टता केंद्र अत्याधुनिक सुविधा प्रदान करेल. जिथे विद्यार्थी इलेक्ट्रिक सायकल, बाईक विकसित करू शकतील आणि इलेक्ट्रिक वाहन तंत्रज्ञान आणि साधनांचा प्रत्यक्ष अनुभव घेऊ शकतील. जागतिक स्पर्धेत, विशेषतः शिक्षण क्षेत्रात प्रावीण्य मिळविण्यासाठी हे महत्त्वाचे पाऊल असेल. वाढत्या ईव्ही उद्योगासह विविध क्षेत्रांमध्ये असंख्य करिअर संधी उदयास येत असल्याची माहिती वारणा विभाग शिक्षण मंडळाचे मुख्य कार्यकारी अधिकारी डॉ. व्ही. व्ही. कारजिन्नी यांनी दिली.
येथील तात्यासाहेब कोरे अभियांत्रिकी महाविद्यालयात ई-मोबिलिटी आणि इलेक्ट्रिक व्हेईकलमधील उत्कृष्टता केंद्राचे उद्घाटन डॉ. कारजिन्नी यांच्या हस्ते झाले. प्रयोगशाळेच्या उभारणीसाठी अध्यक्ष आमदार डॉ. विनय कोरे यांनी मार्गदर्शन केले.
डॉ. कारजिन्नी म्हणाले, ‘‘या अभ्यासक्रमासाठी इलेक्ट्रिकल, मेकॅनिकल आणि इलेक्ट्रोनिक्स विभागातील १०० हून अधिक विद्यार्थ्यांनी नावे नोंदवली आहेत. उपक्रमामुळे विद्यार्थ्यांना ऑटोमोटिव्ह उद्योगात नोकरी मिळण्यास मदत होईल. प्रमाणित कार्यक्रमात ६ विषय समाविष्ट आहेत जे सध्याच्या परिस्थितीशी संबंधित आहेत.’’ ही प्रयोगशाळा तयार करण्यासाठी, डॉ. प्रवीण जी. ढवळे, आणि सहकाऱ्यांचे योगदान लाभले. प्रा. मल्लनगौडा एन. आणि सहकारी, डॉ. धनराज पाटील, प्रा. प्रवीण देशमुख, प्रा. विशाल सनदे, एन. बी. जाधव यांचे सहकार्य मिळाले.
उद्घाटनप्रसंगी डॉ. एस. एम. पिसे, मुरली अय्यर, संजीव राजोरिया, डॉ. प्रवीण जी. ढवळे, प्रा. पी. आर. पाटील, वारणा विद्यापीठाचे संचालक, विभागप्रमुख, प्राध्यापक व विद्यार्थी उपस्थित होते.