हळदी : राधानगरी राज्यमार्गावर (radhanagari road) हळदी (ता.करवीर) व कोथळी दरम्यान गोव्याहून (goa) कोल्हापूरमार्गे दिल्लीला (kolahpur to delhi) जाणारा मालवाहू ट्रक अरुंद रस्त्यावरून खाली घसरला. मात्र चालकाच्या प्रसंगावधानामुळे मोठी दुर्घटना टळली.

याबाबत माहिती अशी की, बुधवारी रात्री बाराच्या सुमारास मालवाहू ट्रक (एन.एल.०१ ए.बी.९२४८) गोव्याहून फोंडाघाट व पुढे कोल्हापूरमार्गे दिल्लीला जाण्यासाठी निघाला होता. राधानगरी राज्य मार्गावर कोल्हापूर ते परीते दरम्यान रस्ता रुंदीकरणासाठी जवळपास सहा महिन्यापासून रस्त्याच्या दुतर्फा बाजूपट्टीची खुदाई केली आहे. दरम्यान अरुंद रस्त्यातून पुढे जात असताना समोरून येणाऱ्या दुसऱ्या ट्रकला जागा देताना संबंधित ट्रक रस्त्यावरून बाजूला खोदलेल्या बाजूपट्टीवर घसरला.चालकाने ताबा मिळवल्यामुळे ट्रक पलटी होण्यापासून बचावला.परिणामी जीवितहानी टळली. चालकाच्या प्रसंगावधानामुळे जीवितहानी टळली असली तरी या मार्गावरील वाहतुकीचा धोका टळला नसल्याचे स्पष्ट झाले आहे.