जयसिंगपूर (कोल्हापूर) : शहरातील जयसिंगनगरमध्ये तीन पानी जुगार खेळणाऱ्या सात महिलांसह पुरुषावर कारवाई केली. यावेळी 37 हजार 900 रुपयांचा मुद्देमाल जप्त केला. शुक्रवारी रात्री ही कारवाई केली. इचलकरंजीच्या स्थानिक गुन्हे अन्वेषण शाखेच्या पथकाने केलेल्या कारवाईमुळे शहरात जुगार खुलेआम सुरू असल्याचे स्पष्ट झाले आहे. 

मीना किरण काळे (संभाजीनगर, धोत्रे यांच्या घरी भाड्याने, जयसिंगपूर), छाया जगनू लोंढे (इंदिरानगर झोपडपट्टी, सिव्हील हॉस्पिटलजवळ सांगली), हेमा धर्मेंद्र कसबेकर (टेंबलाई नाका झोपडपट्टी कोल्हापूर), सुरेखा राजू नरंदेकर (केर्ली सध्या रा. टेंबलाई नाका झोपडपट्टी कोल्हापूर), वर्षा इकबाल लोंढे (कोरोची ता. हातकणंगले), ज्योती नामदेव पाटील (समडोळी मळा, जयसिंगपूर), बेबी दौलत शेख (संभाजीनगर झोपडपट्टी, जयसिंगपूर), अर्जुन कल्लाप्पा वसगडे (मंगेश्‍वर कॉलनी उचगाव ता. करवीर) यांच्यावर कारवाई केली. स्थानिक गुन्हे अन्वेषण शाखेचे शहनाज आलम कनवाडे यांनी फिर्याद दिली आहे. तपास सावंत करत आहेत. 

हेही वाचा - शेअर मार्केट गुंतवणुकीवर जादा परतावा मिळेल पैसे गुंतवूया म्हणत साडेअकरा लाखाला घातला गंडा -

धडक मोहीम 

स्थानिक गुन्हे अन्वेषण शाखेकडून शहर आणि परिसरात अवैध धंद्यांवर कारवाईचा धडाका सुरू केला आहे. याआधी सुमारे अडीच लाखांचा गुटखा जप्त केला होता. दारूभट्ट्यांवरही स्थानिक गुन्हे अन्वेषण शाखेने धडक मोहीम सुरू केली आहे. 

संपादन - स्नेहल कदम