भोसे : मंगळवेढा तालुक्यातील भोसे येथे शिवजयंती मिरवणुकीत नाचत असताना अचानक हृदयविकाराचा झटका आल्याने अनिल उत्तम ताटे (वय 30) या युवकांचा दुर्दैवी मॄत्यू झाला.

भोसे येथे आज शिवजयंती निमित्त गावातून सायंकाळी 6 वाजता शिवप्रतिमेची मिरवणूक काढण्यात आली होती. या मिरवणुकीत गावातील शिवप्रेमी युवक मोठ्या संख्येने सामील होऊन नाचत होते. मिरवणुक अंतिम टप्प्यात आली असताना मिरवणुकीत सहभागी झालेल्या अनिल ताटे या युवकाला हृदयविकाराचा त्रास जाणवू लागला व भोसे बसस्थानकावर अनिल ताटें अचानक बेशुध्द पडला असता. ग्रामस्थांनी तातडीने त्याला मंगळवेढा येथे दवाखान्यात नेण्यात आले. डॉक्टरांनी त्याचा मॄत्यू झालेचे घोषित केले.

अनिल ताटे हा गावात बसस्थानक परीसरात पानपट्टी चालवत होता. एक उत्तम क्रिकेट खेळाडू म्हणून तो प्रसिद्ध होता. अतिशय मनमिळावू स्वभावाच्या युवकांचा शिवजयंती मिरवणूकीत दुर्दवी मॄत्यू झालेमुळे भोसे गावावर शोककळा पसरली.