माडग्याळ : येथे अंडी व कोंबडी यांचा बाजार मोठा भरतो. या भागात देशी अंडी व कोंबडी मिळतात. आषाढ महिना (Ashadha Month) सुरू झाल्याने या भागात अनेक गावांत गावदेवी मरगूबाईदेवीची यात्रा (Margubai Devi Yatra) मंगळवारी व शुक्रवारी करतात. या यात्रांमुळे सध्या अंडी व कोंबड्यांचे दर वाढले आहेत.

जत पूर्व भागात या देवीची यात्रा मोठ्या प्रमाणात असते. या यात्रेत कोंबडा देवीसाठी कापला जातो. तेथून घरी नेऊन खास कोंबड्याची मेजवानी ग्रामस्थ मोठ्या प्रमाणात करतात. याशिवाय, आषाढ महिन्यात खास कोंबड्याची मेजवानी करतात. शिवाय, अंडीही मोठ्या प्रमाणात खरेदी करतात.

आषाढ महिन्यात या परिसरात वारा प्रचंड मोठ्या प्रमाणात सुटतो. या महिन्यात खास करून कोंबड्याचा बेत केला जातो. येथील अंडी, कोंबड्यांचा बाजार सकाळी सात ते दहा पर्यंत मोठ्या प्रमाणात असतो. देशी अंडी व कोंबडी या भागात मिळतात. सध्या ग्राहक वाढल्याने अंडी व कोंबडी यांचे दर भडकले आहेत. एक किलो कोंबडा दर ६०० ते ७०० रुपये दर झाला आहे. देशी अंडी शेकडा ७०० दर आहे.