मिरज : ‘‘मुख्यमंत्री उद्धव ठाकरे यांनी भाजपच्या पाठीत खंजीर खुपसला,’’ अशी टीका भाजपचे आमदार नीतेश राणे यांनी सोमवारी येथे केली. महापालिकेचे स्थायी समिती सभापती निरंजन आवटी यांच्या वाढदिवसानिमित्त कार्यक्रमात ते बोलत होते. राणे यांनी शिवसेनेवर जोरदार हल्लाबोल केला. आमदार राणे म्हणाले, ‘‘वडिलांना दिलेली शपथ पूर्ण करायची होती, म्हणून ठाकरेंनी भाजपचा पाठीत खंजीर खुपसला. (Nitesh Rane News)

एका बाजूला पवारसाहेब, दुसरीकडे काँग्रेसची पिलावळ राज्य करत आहे. शब्द देणे म्हणजे स्वतःसाठी मानसन्मान कमवण्यासारखे असते. भाजपला फसवून राज्यामध्ये सत्ता काबीज केली. हीच महाराष्ट्राला लागलेली पनवती आहे. महाविकास आघाडीला अडीच वर्षे झाली. परंतु विकासाला खीळ बसली आहे. भाजप तुमच्या पाठीशी आहे.’’ यावेळी आमदार सुरेश खाडे, दिनकर पाटील, सुमित कदम, सुरेश आवटी, संदीप आवटी, शेखर इनामदार, कुल्लोळी, बाबासाहेब आळतेकर, अजिंक्य हंबीर उपस्थित होते.