कोल्हापूर -  भाजपला उमेदवार मिळत नाहीत इतकी भाजपची वाईट अवस्था आहे. म्हणून ते दुसऱ्या पक्षातून उमेदवार आयात करून त्यांना उमेदवारी देत आहेत. लोकांना हे कळतंय त्यामुळे लोक भाजपला स्वीकारणार नाहीत, असा विश्वास राष्ट्रवादीचे प्रदेशाध्यक्ष जयंत पाटील यांनी व्यक्त केला.

कोल्हापूर येथे काँग्रेस आणि राष्ट्रवादी काँग्रेसची संयुक्त बैठक आज झाली. त्यांनतर श्री. पाटील यांनी दोन्ही पक्षांच्यावतीने संयुक्त पत्रकार परिषदेत घेतली. त्यामध्ये ते बोलत होते.

काही लोकांच्या अडचणी असतात म्हणून ते पक्ष सोडून जातात. तर काही लोक आम्ही नाकारलेले असतात म्हणून पक्ष सोडतात, असा टोला पक्ष सोडून जाणारांना श्री. पाटील यांनी लगावला. पूर्वी पक्ष सोडून जाणारांना पत्रकार प्रश्न विचारून भंडावून सोडत मात्र आता ज्यांचा पक्ष सोडून गेलेत  त्यांनाच पत्रकार प्रश्न विचारताहेत, अशी कोपरखळीही ही श्री. पाटील यांनी मारली.