वालचंदनगर - निमसाखर (ता.इंदापूर) येथील निमसाखर एज्युकेशन सोसायटीच्या एनईएस हायस्कुल व एमआर इंग्लिश मिडीयम स्कुलमध्ये चिमुकल्या विद्यार्थ्याच्या पालखी सोहळ्याचे आयोजन केले होते.

पुणे जिल्हातुन संत तुकाराम महाराज,संत ज्ञानेश्‍वर महाराज, संत सोपानदेव महाराज यांचे पालखी सोहळे पंढरपूरकडे ग्यानबा तुकारामाच्या जयघोषामध्ये पंढरपूरकडे मार्गस्थ होत आहेत. आज सोमवार (ता.१६) रोजी निमसाखर मधील निमसाखर एज्युकेशन सोसायटीच्या एनईएस हायस्कुल व एमआर इंग्लिश मिडीयम स्कुलमधील चिमुरडे विद्यार्थ्यानी वारकऱ्यांच्या वेषामध्ये आले होते. शाळेमधून दिंडी सोहळ्यास सुरवात करण्यात आली.रिमझिम पावसामध्ये चिमुरडे मुले ग्यानबा तुकारामाचा जयघोष करीत पालखी सोहळ्यामध्ये सहभागी झाले होते. निमसाखर गावामध्ये पालखीची सवाद्य मिरवणूक काढण्यात आली. पालखी सोहळ्यासाठी निमसाखर एज्युकेशन सोसायटीच्या अध्यक्षा सुशिला रणवरे, सचिव रविंद्र रणवरे, शाळा समितीचे अध्यक्ष डॉ.एन.जी.रणवरे, अरुणा रणवरे उपस्थित राहिले होते. पालखी सोहळ्याचे नियोजन इंग्लिश मिडीयमचे प्राचार्य पंकज खिलारे व दत्तात्रेय ढोबळे यांनी केले.