साताराः सातार लाचलुचपत विभागाने गेल्या वर्षात सापळे रचून ३६ लाचखोरांना अटक केली आहे. त्यामध्ये महसूल विभागाने ‘नंबर वन’ मिळवला आसून, पोलिस विभागाने दुसरा क्रमांक मिळवत लाचखोरीत आघाडीवर असल्याचे दाखवले आहे. विशेष म्हणजे दोन क्लास ‘वन’अधिकाऱ्यांवर कारवाई करण्यात आली आहे. 

सर्वसामन्यांच्या सेवेसाठी कार्यरत असलेल्या विविध शासकीय कार्यालयातील अधिकारी, कर्मचारी लाचखोरीत अघाडीवर असल्याचे दिसून येत आहेत. त्यामध्ये महसूल विभाग दुसऱ्या स्थानी आहे. महसूल विभागातील सर्वाधिक नऊ जणांना अटक करण्यात आली असून, त्या खालोखआल पोलिस विभागातील पाच जणांना अटक केली आहे. 

प्रा. तानाजी सावंत यांचे काय चूकले

वन विभाग व भूमिअभिलेख (मोजणी) विभागातील प्रत्येकी दोघांना अटक करण्यात आली आहे. ग्रामविकास विभाग (जिल्हा परिषद), विधी व न्याय विभाग, महिला व बालविकास विभाग (पंचायत समीती), अन्न व औषध प्रशासन विभाग, आरोग्य विभाग, पशुसंवर्धन विभाग, सामाजिक न्याय विभाग व वित्त विभागाच्या प्रत्येकी एकावर कारवाई करून अटक करण्यात आली आहे. लाचलुचपत विभागाच्या २७ कारवायांत ३६ जण जाळ्यात अडकले आहेत. 
 
‘क्लास थ्री’ मधील लोकसेवांचे लाचखोरीत प्रमाण जास्त असून २६ जणांवर करवाई करण्यात आली आहे . एका ‘क्लास टू’ अधिकाऱ्याला अटक करण्यात आली आहे. क्लास वन अधिकाऱ्यांवर कारवाई कमी होत असल्याची तक्रार असते. पण, गेल्या वर्षी दोन ‘क्लास वन’ अधिकाऱ्यांवर कारवाई केली गेली आहे. त्यामुळे अनेकांचे धाबे दणाणले आहेत.

तिळगुळ दरात वाढ न झाल्याने संक्रात गोड

खाजगी सहा व्यक्तींना अटक करण्यात आली आहे विशेष म्हणजे एका वकिलावरही कारवाई करण्यात आली आहे. प्रत्येक सरकारी कार्यालयात एखाद्या कामासाठी पैशाची मागणी केल्यास लाचलुचपत विभागाकडे संपर्क सधावा, असे अवाहन करुनही अनेक लहान-मोठे सरकारी अधिकारी कामासाठी पैशाची मागणी करतात. 

भ्रष्टाचार करण्यात महसूल विभागाने प्रथम क्रमांक मिळवला असून, खाकी वर्दीने दुसरा क्रमांक मिळवला आहे. गेल्या वर्षीपेक्षा कारवाईचा टक्का थोडा कमी झाला तरी वरिष्ठ अधिकाऱ्यांवर कारवाई झाली आहे. यंदा जानेवारी महिन्याच्या सुरूवातीलाच महसूल व पोलिसांवर प्रत्येकी एक कारवाई झाली आहे.