शिराळा - काँग्रेसचे ज्येष्ठ नेते विधान परिषदेचे माजी सभापती आमदार शिवाजीराव बापूसो देशमुख यांचे पार्थिव आज सकाळी साडे अकरा वाजता शिराळा येथील काँग्रेस कमिटी येथे अंत्यदर्शनासाठी ठेवण्यात आले.

सकाळी आठ वाजल्यापासूनच कार्यकर्त्यांनी आपल्या लाडक्या नेत्याच्या अंत्यदर्शनासाठी काँग्रेस कमिटी येथे गर्दी केली होती. देशमुख यांचे सोमवारी सायंकाळी सव्वा सहाच्या सुमारास मुंबई येथील बॉम्बे रुग्णालयात उपचार सुरु असताना निधन झाले. त्यांचे पार्थिव मुंबईहुन रुग्णवाहिकेतून शिराळा येथे साडे अकरा वाजता आणण्यात आले. यावेळी पत्नी सरोजनी, चिरंजीव सत्यजित, नात साईतेजस्विनी,  मुलगी डॉ शिल्पा, भाऊ फत्तेसिंगराव, सुन रेणुका, जावई डॉ मनोज आदी परिवारातील मंडळी उपस्थित होती. 

पै .नामदेवराव मोहिते, नगराध्यक्षा सुनंदा सोनटक्के , उपनगराध्यक्ष किर्तीकुमार पाटील,  विजयराव नलवडे, अमरसिंह नाईक, केदार नलवडे, अभिजित नाईक, रणजितसिंह नाईक, उदयसिंगराव नाईक, देवेंद्र पाटील, प्रताप पाटील, गौतम पोटे, महादेव कदम, प्रतापराव यादव, बंडा डांगे, नेहा सूर्यवंशी, सीमा कदम, अर्चना कदम,  पी.जी.शिंदे, अजय जाधव, आनंदराव पाटील, बी.जी.पाटील,  यांच्यासह शिराळा व वाळवा तालुक्यातील हजारो कार्यकर्ते उपस्थित होते.

एक तास पार्थिव अंत्यदर्शनासाठी ठेवून साडे बारा वाजता पार्थिव कोकरूड येथे नेण्यात आला.