पंढरपूर (सोलापूर) : अज्ञात कारणावरून एका उच्चशिक्षित तरुणाने राहत्या घरी गळफास घेवून आत्महत्या केली. ही दुर्दैवी घटना सिध्देवाडी (ता. पंढरपूर) येथे सोमवारी (ता.6) सकाळी 9 वाजण्याच्या सुमारास घडली. (a youth has committed suicide in siddhewadi village)

संदीप राजाराम ननवरे (वय 25) असे आत्महत्या केलेल्या या तरुणाचे नाव आहे. अत्यंत गरीब परिस्थितीतून आई वडिलांनी संदीपचे महाविद्यालयीन शिक्षण पूर्ण केले. सध्या तो ग्राफिक्स आणि डिझाईन क्षेत्रात काम करत होता. आई वडिलांना एकुलता एक असलेल्या संदीपने कोणत्या तरी नैराश्येतून आत्महत्या केली असावी अशी शक्यता व्यक्त केली जात आहे. या घटनेमुळे परिसरात एकच खळबळ उडाली आहे. पंढरपूर तालुका पोलिस ठाण्यात आकस्मित मृत्यू अशी नोंद करण्यात आली आहे. पुढील तपास पोलिस निरीक्षक किरण अवचर हे करीत आहेत. (a youth has committed suicide in siddhewadi village)