मंगळवेढा - नव्या वर्षात कार्यकर्त्यांना कामाला लागण्याच्या सूचना मा. आमदार प्रशांत परिचारक यांनी दिल्यामुळे आगामी विधानसभा निवडणुक लढणार असल्याचे अप्रत्यक्षरीत्या संकेत दिले.

नव्या वर्षातील पांडुरंग परिवाराच्या वतीने सुरू करण्यात आलेल्या दिनदर्शिकाचे प्रकाशन मा. आ. प्रशांत परिचारक यांच्या मंगळवेढा येथील संपर्क करण्यात आले. याच वर्षात लोकसभा आणि विधानसभेची निवडणूक असल्यामुळे परिचारकांच्या घोषणेने महत्त्व प्राप्त झाले.

यावेळी दामाजी कारखानेचे अध्यक्ष शिवानंद पाटील, रामकृष्ण नागणे, युन्नुश शेख, अजित जगताप, प्रविण खवतोडे, गौरीशंकर बुरुकुल, गौडाप्पा बिराजदार, भारत बेदरे, विजय बुरुकुल, तानाजी कांबळे, गोपाळ भगरे, दिगंबर भाकरे, कन्हैया हजारे, अशोक माळी, शिवाजी नागणे, हौसाप्पा शेवडे, आदी सह मान्यवर मोठ्या संख्येने उपस्थित होते.

दिनदर्शिका प्रकाशानंतर उपस्थित कार्यकर्त्यांनी या तालुक्यातील प्रश्न अजूनही रखडले आहेत. मालक तुम्ही या मतदारसंघातील लोकांचे प्रश्न सोडवण्यासाठी दर सोमवारी वेळ द्या अशी मागणी केली, असता त्यावर त्यांनी प्रतिक्रिया दिली. त्यामुळे सोमवारच काय कायमस्वरूपी या मतदारसंघातील प्रश्न सोडवण्यासाठी आपण तयार असून 2023 पर्यंत आपला करार होता.

आता आपण तुमच्या प्रश्नासाठी कायमच उपलब्ध राहणार असून कार्यकर्त्यांना कामाला लागण्याचे संकेत त्यांनी दिले. त्यामुळे आगामी विधानसभा निवडणुकीत प्रशांत परिचारक हे देखील विधानसभेचे दावेदार असल्याचे आता जवळपास स्पष्ट होत चालले आहे. त्यामुळे आगामी काळातील राजकीय हालचाली परिचारक यांच्यासाठी महत्वपूर्ण ठरणार आहे.

मंगळवेढा तालुक्यामध्ये परिचारकांचा विस्तार कमी होता. परंतु दामाजी कारखान्याच्या नेतृत्व शिवानंद पाटील यांची सत्ता आल्यामुळे तालुक्यात गट विस्तार करण्यास संधी मिळाली. त्यामुळे 2014 व 2019 ला झालेल्या निसटत्या पराभवातील मताधिक्य हे मंगळवेढ्यातून दामाजी कारखान्याच्या सत्तेमुळे भरून निघू शकते. अशा राजकीय अंदाज असल्यामुळे परिचारकांनी आपले राजकीय पत्ते खोल खोलण्यास सुरुवात केल्याचे संकेत मिळू लागले आहेत.