सोलापूर - एकाच महिन्यात जंगली झाडांची विक्रमी म्हणजे एक लाख ३६ हजार रोपे तयार करण्याच विक्रम येथील रोपवाटिका व्यवसायिक त्रिभूवन जक्कल यांनी केला आहे. त्यापैकी १० हजार झाडे ही थेट जंगलात मोफत लावली जाणार आहेत. त्रिभूवन जक्कल हे मागील चार दशकापासून रोपवाटिका क्षेत्रात काम करतात. यावर्षी त्यांनी कोंडीत त्यांची रोपवाटिका उभारली होती. या रोपवाटिकेत त्यांनी जंगली झाडांची रोपे तयार करण्याचे काम सुरु केले.

आतापर्यंत रोपे तयार करण्याचे काम ते वर्षातील अनेक महिने सातत्याने करत असतात. पण यावर्षी एकाच महिन्यात सर्वाधिक रोपे तयार करण्यासाठी त्यांनी त्यांच्या कोंडी येथील जैन मंदिराच्या परिसरात उद्योजक नंदकिशोर मोतीचंद शहा यांच्या मदतीने रोपवाटिकेत काम सुरु केले. जंगली झाडांची संख्या वाढावी. ही झाडे अधिक संख्येने सर्व मोकळ्या जागी लावली जावीत यासाठी त्यांनी हे काम सुरु केले. त्यासाठी त्यांनी करंज, पिंपरणी, वड, पिंपळ, कडूलिंब, सिताफळ, कडूलिंब, आंबा या सारख्या देशी प्रजातींची निवड केली गेली. त्यानंतर त्यांनी कोंडीतील रोपवाटिकेत रोपे तयार करण्याचे काम सुरु केले.

झाडाची निवड, बिया रुजवणे, रोपे तयार करणे अशी सर्व कामे एकाच महिन्यात करण्यात आली. बघता बघता रोपवाटिकेचा परिसर हिरव्यागार रोपांनी व्यापला गेला. याच ठिकाणी श्री. शहा यांच्या पुढाकाराने मंदिर भागात देखील देखणा बगिचा उभारला जात आहे. तयार केलेल्या रोपांच्या पैकी दहा हजार रोपे ही सामाजिक संस्थांना वृक्षसंवर्धनासाठी दिले जाणार आहेत.

ठळक बाबी

• कोंडीत रोप निर्मितीचे काम

• झाडाची निवड, बियांचे रोपण, रोपांची वाढ अशी सर्व कामे एकाच ठिकाणी

• एकाच महिन्यात १ लाख ३६ हजार रोपांची निर्मिती

• त्यापैकी १० हजार रोपे सामाजिंक संस्थांना वृक्षलागवडीसाठी देणार

यापूर्वीपासून रोपवाटिकेचे कामे करत होतो. पण यावर्षी एकाच महिन्यात विक्रमी संख्येने १ लाख ३६ हजार रोपे तयार करण्याचा पहिल्यांदाच विक्रम झाला. त्यातील काही रोपे सामाजिक संस्थांना देणार आहे.

- त्रिभूवन जक्कल, संचालक, लिली नर्सरी रोपवाटिका, सोलापूर.