सोलापूर - तब्बल अडीच महिन्यांच्या कालावधीनंतर शहरातील प्रमुख बाजारपेठा आज सकाळी गजबजल्या. नवी पेठ, मधला मारुती, पार्क स्टेडियम, भुसार गल्ली या भागात आज सकाळपासूनच दुकानदारांची गर्दी झाली होती.

अनेक दुकानदारांनी दुकान उघडल्यावर धुळीचा थर साचलेला दिसला. तो आधी त्यांनी झटकून टाकला, दुकानाची स्वच्छता केली. दुकाने उघडणार असल्याने काही ग्राहक सकाळपासूनच येऊन बसले होते. 

दुकाने उघडण्यासाठी सम विषम तारखेचे नियोजन केले आहे. मात्र आज दोन्ही बाजुच्या दुकानातील कर्मचारी उपस्थित होते. ज्या बाजूच्या दुकाने आज उघडणार नाहीत त्या कर्मचाऱ्याना परत फिरावे लागले.