मोहोळ : एका तरुणाचा मावा खाल्ल्याने तो चक्कर येऊन पडल्याने मृत्यु झाल्याची घटना मोहोळ सोलापूर रस्त्यावरील हॉटेल चैतन्य समोर सकाळी 7 .45 वाजण्याच्या दरम्यान घडली.
याबाबत मोहोळ पोलिसांनी दिलेल्या माहितीनुसार, पोखरापूर येथील खंदारे वस्ती परिसरात अविनाश पोपट खंदारे हा तरुण गॅस गाडीवर तो चालक म्हणून काम करतो. ता.25 ऑक्टोंबर रोजी सकाळी सहा वाजण्याच्या दरम्यान तो नेहमीप्रमाणे गॅस गाडीवर कामाला जाण्यासाठी स्वतःच्या दुचाकी वरून पोखरापूर येथून मोहोळ येथे आला.
त्यानंतर एक तासानंतर त्याच्या मोबाईल वरून चुलते महावीर नामदेव खंदारे यांना एका व्यक्तीने फोन करून अविनाश याला चक्कर आल्याचे सांगितले. त्यावेळी महावीर खंदारे हे इतर नातेवाईकांसमवेत लागलीच चैतन्य हॉटेल समोर गेले असता, अविनाश पडलेला होता.
त्याला त्यांनी उठवले व चौकशी केली असता त्याने मावा खाल्ल्याने चक्कर आली आहे, असे सांगितल्याने त्यांनी त्याला तात्काळ येथील ग्रामीण रुग्णालयात उपचारासाठी नेले. डॉक्टरांनी तपासणी करून त्याचा मृत्यू झाला असल्याचे सांगितले. याबाबत मोहोळ पोलीस ठाण्यात महावीर खंदारे यांनी दिलेल्या खबरी वरून अकस्मात मृत्यूची नोंद करण्यात आली असून अधिक तपास मोहोळ पोलीस करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.