बेळगाव : जुन महिन्यात गेल्या २३ दिवसात सरासरी फक्त ६०.८१ मिमी पावसाची नोंद झाली आहे. जून महिन्यात सरासरी १०७ मिमी पाऊस पडण्याचा अंदाज आहे. यंदा आतापर्यंत जुन महिन्यात सरासरीपेक्षाही कमी पाऊस झाला आहे. पुढील आठ दिवसात पाऊस झाल्यास ही सरासरी पूर्ण होणार आहे. या २३ दिवसात सर्वाधिक रामदुर्गमध्ये ११०.५ मिमी तर सर्वात कमी कागवाडमध्ये २३.४ मिमी नोंद झाली आहे. तर मार्च ते आतापर्यंत चार महिन्यात २५३.०१ मिमी पाऊस झाला आहे.

गेल्या २३ दिवसात अथणीत २५ मिमी, बैलहोंगल ८१.०२ मिमी, बेळगाव ५०.४ मिमी, चिकोडी १०१.०७ मिमी, गोकाक ६९.१ मिमी, हुक्केरी ४१.०३ मिमी, कागवाड २३.४ मिमी, खानापूर ४१.७ मिमी, कित्तूर ४६.१ मिमी, मुडलगी ४८.०६ मिमी, निपाणी ७५.८ मिमी, रायबाग ७४.१ मिमी, रामदुर्ग ११०.०५ मिमी, सौंदत्ती ६२.४ मिमी पावसाची नोंद झाली आहे. मार्च महिन्यातही सरासरी ८.३ मिमी पाऊस पडण्याची नोंद झाली आहे. दरवर्षी एप्रिल महिन्यात सरासरी २८ मिमी पाऊस पडण्याचा अंदाज असतो. मात्र, यंदा सरासरी ७४.८१ मिमी पावसाची नोंद झाली आहे. सर्वाधिक बेळगाव तालुक्यात १६७ मिमी तर सर्वात कमी सौंदत्तीत ४४.२ मिमी पावसाची नोंद झाली आहे. यंदाच्या मे महिन्यातही अनेक वेळा अवकाळी पावसाने हजेरी लावली होती. मे महिन्यात सरासरी ७० मिमी पाऊस पडण्याचा अंदाज आहे. मात्र, यंदा सरासरी १०९.०९ मिमी पाऊस पडल्याची नोंद झाली आहे. मे महिन्यात मुडलगीत सर्वाधिक १६९.५ मिमी तर सर्वात कमी रामदुर्गमध्ये सर्वात कमी ५१ मिमी पाऊस झाला आहे.

महिना झालेला पाऊस (मिमी)

• मार्च - ८.३

• एप्रिल - ७४.८१

• मे - १०९.०९

• जून - ६०.८१

• एकूण - २५३.०१