वाकड : आज होणाऱया चिंचवड विधानसभा २०५ पोटनिवडणुकीसाठी वाकड प्राथमिक मनपा शाळेची आदर्श मतदान केंद्र म्हणून निवड करण्यात आली असून या मतदान केंद्रात मतदारांची कुठलीही गैरसोय होऊ नये याची पुरेपूर काळजी घेण्यात आली आहे. त्यासाठी गेली दोन दिवस तयारी सुरू होती.

वाकड प्राथमिक मनपा शाळा हे मतदान केंद्र सजविण्यात आले आहे. मतदानासाठी येणाऱ्या मतदार राजाच्या स्वागतासाठी भव्य फुलांची कमान उभारण्यात आली आहे. मतदार सहाय्यता कक्ष, दिव्यांग मतदार सहायता कक्ष, दिव्यांग व वयोवृद्ध मतदारांसाठी व्हिलचेअरची सुविधा त्यासाठी रॅम्प तयार करण्यात आले आहेत. बीएलओ कक्ष, पाणी, सौचालय आदी सुविधा आहे.