जुनी सांगवी : पिंपरी-चिंचवड शहरातील कोरोना संसर्गाची साखळी खंडित करण्यासाठी राज्य सरकारकडून पुन्हा १३ जुलैच्या मध्यरात्रीपासून लॉकडाउन करण्यात येणार आहे. त्यामुळे येथे मोबाईल रिचार्ज, मोबाईल दुरुस्ती व अन्नधान्य खरेदी करण्यासाठी नागरिकांची लगबग पाहायला मिळाली. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

लॉकडाऊन काळात अडचणी येऊ नये म्हणून भाजी न मिळाल्यास पर्यायी कडधान्य दाळ खरेदीकडे नागरिकांचा कल असल्याचे एका दुकानदाराने सांगितले. पुन्हा घराबाहेर पडणे नकोच म्हणून सध्या किराणा दुकानांबाहेर हातात सामानांच्या याद्या घेऊन नागरिकांनी रांगा लावल्या होत्या. 

पेट्रोल पंपावर रांगा

पेट्रोल भरण्यासाठी आज सकाळपासूनच नागरिकांच्या पंपावर रांगा लागलेल्या दिसत होत्या. पुढील पाच दिवसांसाठी कडक लॉकडाउन असल्याने नागरिकांनी पेट्रोल भरण्यासाठी पंपावर गर्दी केल्याचे चित्र सांगवी परिसरातील सर्व पंपावर पहावयास मिळत होते.

चायनिज सेंटर चौपाट्यांवर शुकशुकाट

लॉकडाउनचे नियम शिथिल झाल्यावर काही प्रमाणात चायनिज चौपाट्यांवर पार्सलद्वारे ही सेंटर सायंकाळी पाचपर्यंत सुरू होती. मात्र, म्हणावा तसा प्रतिसाद मिळत नसल्याने येथील सांगवी परिसरातील अशा चौपाट्यावरील गाड्या बंद करण्यात आल्या आहेत. कोरोना संकटाआधी सकाळपासूनच गजबज असलेल्या या चौपाट्यांवर सध्या शुकशुकाट पाहायला मिळत आहे.

Edited by : Shivnandan Baviskar