वडगाव मावळ (पुणे) : मावळ तालुक्‍यात गेल्या आठ-दहा दिवसांपासून पुनरागमन झालेल्या पावसाची गेल्या दोन दिवसांपासून संततधार सुरू आहे. हा पाऊस भात पिकासाठी अतिशय उपयुक्त असून, गरजेच्या वेळी तो पडत असल्याने बळीराजा सुखावला आहे. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

मावळात सुमारे दीड महिना पावसाने दडी मारली होती. नाणे मावळचा भाग वगळता त्याची अवकृपा झाली होती. अती पावसाचा समजला जाणारा जुलै महिना कोरडा गेला होता. गेल्या सोमवारपासून त्याचे पुनरागमन झाले. गेल्या आठ-दहा दिवसांत कमी अधिक प्रमाणात तो बरसला. गेल्या दोन दिवसांपासून मात्र त्याची संततधार सुरू आहे. गेल्या दहा दिवसांत वडगावात 208 मिलीमीटर, तळेगावात 184, कामशेतमध्ये 227, पवनानगरमध्ये 414, कार्ला येथे 630 तर लोणावळा येथे एक हजार चार मिलिमीटर पाऊस झाला. पावसाअभावी तालुक्‍याच्या आंदर व पूर्व भागातील सुमारे 25 ते 30 भात लावणी रखडली होती. खाचरातील पाणी आटल्याने लागवड झालेले भात पीकही धोक्‍यात आले होते. मात्र, गेल्या दहा दिवसांत समाधानकारक पाऊस झाल्याने भातासह सर्वच खरीप पिकांना जीवदान मिळाले आहे.

पर्यटकांनो, लोणावळेकरांचं हे ऐका  

पाऊस सुरू झाल्यानंतर रखडलेल्या भात लागवडीलाही चालना मिळाली आहे. भाताच्या एकूण बारा हजार शंभर हेक्‍टर क्षेत्रापैकी सुमारे बारा हजार हेक्‍टर क्षेत्रावरील लागवड पूर्ण झाली आहे. त्यात साडेदहा हजार हेक्‍टर पारंपरिक लागवडीचा तर दीड हजार हेक्‍टरवरील चारसूत्री लागवडीचा समावेश आहे. तालुक्‍यातील सुमारे 98 टक्के भात लावणी पूर्ण झाली असून, येत्या दोन-चार दिवसांत शंभर टक्के लागवड पूर्ण होईल, असा विश्वास तालुका कृषी अधिकारी देवेंद्र ढगे यांनी व्यक्त केला आहे. 

पुण्याच्या बातम्या वाचण्यासाठी येथे क्लिक करा

पवना धरणात 57 टक्के पाणीसाठा 

गेल्या आठवड्यापासून धरण क्षेत्रात जोरदार पाऊस सुरू असल्याने धरणाच्या पाणीसाठ्या गतीने वाढ होत आहे. जून, जुलैमध्ये पावसाने दडी मारल्याने धरणाची पाणीपातळी कमी झाली होती. मात्र, सध्या सुरू असलेल्या संततधार पावसामुले पवना 57, आंद्रा 89, वडिवळे 73, कासारसाई 97 टक्के भरले आहेत.