पिंपरी - सुनेसह तिच्यासोबत असलेल्या महिलांनी (Women) सासूच्या घरासमोर येऊन राडा घातला. भाडेकरूंना मारहाण (Beating) केली. हा प्रकार जुनी सांगवी येथेव घडला.

याप्रकरणी संगीता अंकुश कवडे (रा. लक्ष्मीनगर, एकता चौक, जुनी सांगवी) यांनी फिर्याद दिली आहे. त्यानुसार शुभांगी अविनाश कवडे (रा. चिंचवड) व अनोळखी दहा महिलांवर गुन्हा दाखल झाला आहे. गुरुवारी (ता. १७) दुपारी दीडच्या सुमारास फिर्यादी या घरी असताना ओरडण्याचा आवाज आल्याने त्यांनी खाली बघितले असता फिर्यादी यांची सून व इतर नऊ महिला ओरडून शिवीगाळ करीत होत्या.

त्यावेळी आरोपी व तिच्यासोबत असलेल्या सहा महिलांनी फिर्यादीच्या इमारतीतील शॉपमधील भाडेकरू व कामगार दिनेश जगाराम कुमार, शाहबाजअली हसीमअली शेख, मुलाभाई वज्जाभाई प्रजापती यांना हाताने मारहाण केली. इतर चार महिला बाजूला थांबून शिवीगाळ करीत होत्या. दरम्यान, फिर्यादी यांची सून व तिच्यासोबत सहा महिला भाडेकरूंना हाताने मारहाण करीत असताना दिनेश जगाराम कुमार यांच्या नाकाला दुखापत झाली. याप्रकरणी सांगवी पोलिस ठाण्यात गुन्हा दाखल असून पोलिस अधिक तपास करीत आहेत.