जुनी सांगवी : येथील मुळा व पवना नद्यांमध्ये वाहून आलेली जलपर्णीमुळे नदीपात्र आच्छादली आहेत. तसेच, रस्त्यांची रखडलेली कामे व नालेसफाई कामाला गती द्यावी, या बाबत शहर राष्ट्रवादी कॉंग्रेसचे कार्याध्यक्ष प्रशांत शितोळे यांनी पालिका आयुक्तांकडे निवेदनाद्वारे मागणी केली आहे.

ताज्या बातम्यांसाठी डाऊनलोड करा ई-सकाळचे ऍप   

पिंपरी चिंचवडच्या बातम्या वाचण्यासाठी येथे ► क्लिक करा

निवेदनात म्हटले आहे, की गेल्या आठवड्यात आयुक्तांचा पाहणी दौरा झाला. मात्र, आठवडा झाला तरी कामाला गती नाही. कोरोनाचे संकट, तर आहेच. मात्र, सांगवीकरांना डास व दुर्गंधीचाही सामना करावा लागत आहे. सध्या जलपर्णी काढण्याचे काम संथगतीने सुरू आहे. नेहमीप्रमाणे संबंधित ठेकेदार मोठ्या पावसाची वाट पहात आहे का, असे सुरू असलेल्या कामावरून दिसत आहे. 

आणखी वाचा- पिंपरी-चिंचवडकरांसाठी जून ठरतोय सगळ्यात धोकादायक; रुग्णवाढ अन् मृत्यूदर पाहाच

डास व दुर्गंधीमुळे नदीकिनारा भागातील रहिवाशांच्या आरोग्याचा प्रश्न उभा राहिला आहे. याबरोबरच सध्या कुठल्याही रस्त्याचे नविन खोदकाम न करता सद्य:स्थितीत पाण्याचा निचरा होईल, अशा दुरुस्त्या कराव्यात. स्टॉर्म वॉटर, उघडे नाले, पाणी साचण्याची ठिकाणे अशा ठिकाणांची स्वच्छता करावी. गतवर्षीची सांगवीकरांनी अनुभवलेली पुरस्थिती पाहता त्याचे नियोजन आतापासूनच करावे. आपला दौरा केवळ देखावा ठरू नये, असेही शितोळे यांनी निवेदनात म्हटले आहे.

आणखी वाचा- वाह! याला म्हणतात खाकी वर्दी; अवघ्या चार तासात मिळवून दिले पैसे