जुनी सांगवी : मासिक पाळीच्या प्रक्रियेतूनच एक स्त्री आई होऊ शकते. याच मासिक पाळीमुळे प्रत्येक स्त्री निरोगी आयुष्य जगू शकते. स्त्रियांसाठी आणि पर्यायाने मानवजातीसाठी महत्वाच्या या प्रक्रियेकडे बघण्याचा भारतीय समाजाचा दृष्टिकोन आजही तितकासा प्रगल्भ व विज्ञानिष्ठ नाही. अजूनही यामागे समाजातील काही वर्गात याबाबत अंधश्रद्धा पाळली जाते. कोरोना संकटकाळात लॉकडाउनमुळे अनेक कामगारांचे काम बंद झाले.

ताज्या बातम्यांसाठी डाऊनलोड करा ई-सकाळचे ऍप

अनेकांना दोन वेळेचे जेवण मिळणे मुश्किल झाले. अशा परिस्थितीत त्या घरातील गरीब स्त्रियांचे मासिक पाळीदरम्यान आरोग्यविषयी होणारे दुर्लक्ष लक्षात घेऊन महिला काँग्रेस देशभरात "गरिमा अभियान" राबवत आहे. चिंचवड विधानसभा युवती सेलच्या उपाध्यक्षा नूतन शेळके यांनी "मासिक पाळी आरोग्य तुमचा अधिकार, तुमचा अधिकार हाच आमचा लढा" या उपक्रमाद्वारे  महिलांमधे मासिकपाळी आरोग्याबाबत जनजागृती करून त्यांना सॅनिटरी नॅपकिनचे मोफत वाटप करत आहेत.

पिंपरी चिंचवडच्या बातम्या वाचण्यासाठी येथे ► क्लिक करा
यात परिसरातील महिला सफाई कर्मचारी, महिला पोलीस कर्मचारी यांना या अभियानातून सॅनिटरी नॅपकिनचे वाटप करण्यात आले. महाराष्ट्र प्रदेश काँग्रेसच्या अध्यक्षा चारुलता टोकस तसेच पिंपरी चिंचवड शहर जिल्हा काँग्रेसच्या अध्यक्षा गिरीजा कुदळे यांच्या मार्गदर्शनाखाली चिंचवड विधानसभा क्षेत्रात हे अभियान राबवले जात असून संपूर्ण जग थांबलेले असताना तुम्ही घरात न थांबता आपल्या भगिनींसाठी देत असलेले योगदान मानवतेच्या व सामाजिक जाणिवेच्या दृष्टीने मोठे आहे. अशा प्रतिक्रिया महिला वर्गातून येत असल्याचे नूतन शेळके यांनी सांगितले.