बेबडओहोळ (ता. मावळ) : लॉकडाउनच्या काळात व उन्हात आपले कर्तव्य बजावणाऱ्या पोलिसांना गेल्या अडीच महिन्यांपासून ऊर्सेतील एक माजी सरपंच सरबत व चहा देण्याचे काम करीत आहेत. त्यांच्या या सामाजिक कामामुळे ते सध्या चांगलेच चर्चेत आले आहेत. पोलिसांसाठी जणू ते देवदूतच ठरले.

ताज्या बातम्यांसाठी डाऊनलोड करा ई-सकाळचे ऍप     

२५ मार्च रोजी देशात लॉकडाउनची घोषणा करण्यात आली. तेव्हापासून परिसरात सर्व पोलिस कर्मचारी आपले कर्तव्य बजावत आहेत. भर उन्हात कुठे चौकात, तर कुठे फाट्यावर थांबून पोलिस आपले कर्तव्य बजावत होते. अशा वेळी पोलिसांना जेवणही वेळेवर मिळत नव्हते. बऱ्याचदा जेवणासाठीही त्यांच्याकडे वेळ नसायचा. याचेच गांभीर्य लक्षात घेऊन ऊर्से गावातील माजी सरपंच बाळासाहेब धामणकर हे पोलिसांच्या मदतीसाठी धावून गेले. 

पिंपरी चिंचवडच्या बातम्या वाचण्यासाठी येथे ► क्लिक करा

त्यांनी २५ मार्च आजपर्यंत वडगाव फाट्यावरील सर्व पोलिस अधिकारी व कर्मचाऱ्यांना दररोज सकाळी चहा, तर कधी सरबत देण्याचे काम करत होते. या कोरोना योद्ध्यांसाठी धामणकर न चुकता आपल्या दुचाकीने जाऊन पोलिसांना चहापान करायचे. धामणकर म्हणाले, की कधी वंशपरांगत सामाजिक काम धामणकर घरातून होत असल्याने मी ही हेच सामाजिक कार्य पुढे चालु ठेवले आहे.

पुण्याच्या बातम्या वाचण्यासाठी येथे ► क्लिक करा