चिखली : येथील सोनवणे वस्ती परिसरात सोमवारी (ता. 18) दुपारी चारच्या सुमारास अठ्ठावीस वर्षीय महिलेने आपल्या मुलांसह विहिरीत उडी घेऊन आत्महत्या करण्याचा प्रयत्न केला. हा प्रकार जवळच्या शेतात काम करणाऱ्या मजूरांच्या लक्षात येताच त्यांनी विहिरीत उडी घेऊन महिला व तिच्या एका मुलाला वाचविले. तर दुसऱ्या मुलाचा पाण्यात बुडून दुर्दैवी मृत्यू झाला. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा 

रूपाली गणेश गाढवे (वय 28) असे आत्महत्येचा प्रयत्न करणाऱ्या महिलेचे नाव आहे.  तिने आपल्या गौरव (वय 5) व गंधर्व (वय ७) या मुलांसह आत्महत्या करण्याचा प्रयत्न केला. त्यात गंधर्वचा मृत्यू झाला. दोघांना उपचारासाठी वायसीएम रुग्णालयात दाखल केले असून, मुलाचा मृतदेह शवविच्छेदनासाठी पाठविण्यात आला. ही घटना घडली तेव्हा महिलेचा पती कामावर गेला होता. दरम्यान, आत्महत्येचे नेमके कारण अद्याप समजू शकले नसून, चिखली पोलिस अधिक तपास करत आहेत.

पिंपरी चिंचवडच्या बातम्या वाचण्यासाठी येथे ► क्लिक करा