वडगाव मावळ (ता. मावळ) : मावळ तालुक्यात शुक्रवारी कोरोना रुग्णांची संख्या कमी झाली. दिवसभरात २६ जणांचे कोरोना चाचणी अहवाल पॉझिटिव्ह आले, तर कशाळ येथील कोरोनाबाधित ५६ वर्षीय पुरुषाचा मृत्यू झाला. तालुक्यातील एकूण रुग्णसंख्या दोन हजार १७७ झाली असून, आतापर्यंत ८४ जणांचा मृत्यू झाला आहे. एक हजार ५६५ जणांनी कोरोनावर मात केली आहे.
शुक्रवारी कोरोना पॉझिटिव्ह आलेल्या २६ जणांमध्ये कामशेत येथील सर्वाधिक सात, तळेगाव दाभाडे येथील सहा, वडगाव येथील पाच, शिरगाव व काले येथील प्रत्येकी दोन; तर वराळे, डोंगरगाव, देवले व नाणोली येथील प्रत्येकी एक जणाचा समावेश आहे. दरम्यान, रुग्णसंख्येने तळेगाव येथे साडेसातशेचा; तर वडगाव येथे दीडशेचा टप्पा गाठला. तालुक्यातील कोरोना रुग्णांची संख्या दोन हजार १७७ झाली असून, त्यात शहरी भागातील एक हजार १६८, तर ग्रामीण भागातील एक हजार नऊ जणांचा समावेश आहे.
पिंपरी-चिंचवडच्या बातम्या वाचण्यासाठी येथे ► क्लिक करा
आतापर्यंत ८४ जणांचा मृत्यू झाला आहे. एक हजार ५६५ जणांनी कोरोनावर मात केली आहे. शुक्रवारी पाच जणांना घरी सोडण्यात आले. सध्या तालुक्यात सध्या ५२८ सक्रिय रुग्ण आहेत. त्यातील ३५४ जण लक्षणे असलेले व १७४ जण लक्षणे नसलेले रुग्ण आहेत. लक्षणे असलेल्या ३५४ जणांपैकी २५३ जणांमध्ये सौम्य, तर ८४ जणांमध्ये मध्यम स्वरूपाची लक्षणे आहेत. १७ जण गंभीर आहेत. सध्या ५२८ जणांवर विविध ठिकाणी उपचार सुरु असल्याची माहिती तालुका आरोग्यधिकारी डॉ. चंद्रकांत लोहारे व समन्वयक डॉ. गुणेश बागडे यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.