पिंपरी : पिंपरी-चिंचवड शहरात शनिवार (ता. 11) सायंकाळी सातपासून रविवारी (ता. 12) सायंकाळी सात वाजेपर्यंत संपलेल्या चोवीस तासात 318 जणांचे रिपोर्ट पॉझिटिव्ह आले. त्यामुळे एकूण पॉझिटिव्ह रुग्ण संख्या सात हजार 276 झाली आहे. आज दिवसभरात आठ जणांचा मृत्यू झाला. त्यातील पाच जण शहरातील असून, मृतांची संख्या 108 झाली आहे. सध्या दोन हजार 833 जणांवर उपचार सुरू आहेत. आजपर्यंत चार हजार 312 रुग्ण बरे झाले आहेत. त्यात आज बरे झालेल्या 204 जणांचा समावेश आहे. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

रविवारी सायंकाळी सात वाजेपर्यंत एकूण चार हजार 151 पुरुष आणि 3098 महिलांना संसर्ग झालेला आहे. शिवाय संसर्ग झालेल्यांमध्ये तरुणांची संख्या सर्वाधिक 2853 आहे. शहरात आजपर्यंत 34 हजार 83 जणांची तपासणी करण्यात आली. त्यापैकी 24 हजार 724 जणांना संसर्ग नसल्याचे आढळून आले आहे. 

भाज्यांच्या भाववाढीनं नागरिकांना झटका; विक्रेत्यांकडून 'अव्वाच्या सव्वा' भावाने विक्री

11 मार्च ते 31 पर्यंत या 82 दिवसांत आठ जणांचा मृत्यू झाला आहे. तर, जूनमध्ये 39 जण आणि जुलैच्या पहिल्या बारा दिवसांत मृत्यू 61 जणांचा बळी गेला आहे. आज मृत झालेले रुग्ण पिंपरी (पुरुष, वय 60), आकुर्डी (पुरुष, वय 43 व 68), सांगवी (पुरुष, वय 57), चऱ्होली (स्त्री, वय 61), मारुंजी (पुरुष, वय 48), बीड (पुरुष, वय 95), देहूरोड (स्त्री, वय 46) येथील रहिवासी आहेत. 

Video : आता गिरण्याही 'हाउसफुल', दळणासाठी नागरिकांच्या रांगाच रांगा

पावसाळा सुरू झालेला असल्याने वैद्यकीय विभाग, पिं. चिं. मनपामार्फत सर्व नागरिकांना आवाहन करण्यात येते, की अत्यावश्‍यक कारणाशिवाय घराच्या बाहेर पडू नये. तसेच, पावसाचे पाण्यामुळे मास्क ओला होणार नाही याची काळजी घ्यावी व सोबत किमान तरी अतिरीक्त (Extra) मास्क ठेवावा. 

Edited by : Shivnandan Baviskar