कामशेत (ता. मावळ) : मावळ तालुक्यात दिवसेंदिवस कोरोनाबाधितांची संख्या वाढत आहे. या पार्श्वभूमीवर लॉकडाउनचे हत्यार प्रशासनाने उगारले. नाकातोंडाला नियमित मास्कचा वापर करावा. दुचाकी चारचाकी वाहनातून प्रवास करणाऱ्यांसाठी निर्बंध घातले, तरीही त्याकडे दुर्लक्ष केले जात आहे. शहरातून जाणाऱ्या जुन्या मुंबई-पुणे राष्ट्रीय महामार्ग व शहराच्या बाहेरून जाणाऱ्या महामार्गावर या नियमांचे सर्रास उल्लंघन होत आहे. 

ताज्या बातम्यांसाठी डाऊनलोड करा ई-सकाळचे ऍप 

लॉकडाउन जाहीर झाल्याच्या पहिल्या दिवसापासून शहरात संचारबंदीचे उल्लंघन करणाऱ्यांवर कारवाई होत आहे. शहरातील पोलिस प्रशासन नियम मोडणाऱ्या बहाद्दरांवर पकडून त्यांच्यावर न्यायालयीन व दंडात्मक कारवाईसाठी पाठवित आहे. तालुक्यातील बहुतेक नागरिक हे नियम मोडत आहे. याशिवाय तालुक्याच्या बाहेरून येणारे पर्यटकांकडूनही या नियमांची पायमल्ली होताना दिसत आहे. 

लोणावळा, खंडाळा होणार आज मध्यरात्रीपासून लॉकडाउन

ग्रामपंचायतीने मास्क न वापरणाऱ्या ५५ जणांकडून प्रत्येकी पाचशे रुपये दंड वसूल केला आहे. तर पोलिसांनी आतापर्यंत ६३७ जणांवर कारवाई केल्याची माहिती सहाय्यक पोलिस फौजदार दत्तात्रेय खंडागळे यांनी दिली. खंडागळे म्हणाले, की शहरात कोरोनाचे रुग्ण वाढत असल्याने ही कारवाई मोहीम हाती घेतली आहे.

Edited by : Shivnandan Baviskar